Зяленскі: Расія павінна адказаць за стварэнне пагрозы для Запарожскай АЭС
Расія павінна адказаць за стварэнне пагрозы для Запарожскай АЭС.Пра гэта ў чарговым відэазвароце заявіў украінскі прэзідэнт Уладзімір Зяленскі. "Гэта адкрытае і дзёрзкае злачынства, гэта акт тэрору", — сказаў ён.
Абстрэлы АЭС адбыліся ў пятніцу. Аднак станцыя працягвае працаваць, выкідаў радыеактыўных рэчываў не зафіксавана.
Запарожская АЭС — найбольшая атамная станцыя ў Еўропе. З вясны яе кантралююць расійскія войскі. Расіяне заявілі, што 5 жніўня АЭС абстралялі ўкраінскія войскі. Кіеў заявіў, што гэта расійская правакацыя.
