11:11 Саюзу левых партый адмовілі ў рэгістрацыі
Міністэрства юстыцыі адмовіла ў рэгістрацыі Саюзу левых партый.
Падставай для такога рашэнне называецца парушэнне парадку яго стварэння.
Нагадаем, устаноўчы з’езд Саюзу прайшоў у снежні ва ўкраінскім горадзе
Чарнігаў. На ім прысутнічалі прадстаўнікі Беларускай партыі жанчын «Надзея»,
Партыі камуністаў Беларускай і Беларускай сацыял-дэмакратычнай партыі
(Грамада).
Паводле Мінюсту, з’езд мусіў адбывацца толькі на тэрыторыі Беларусі,
хаця партыйцы не знайшлі тут памяшкання. Таксама чыноўнікі выявілі парушэнні ў
парадку арганізацыі і правядзення мерапрыемства.
1 лютага Мінюст ужо вынес
папярэджанні згаданым партыям.
