18 кастрычніка ў Беларусі будзе ад +15 да +22
Восень у Беларусі / Еўрарадыё
У аўторак, 18 кастрычніка, у Беларусі чакаецца воблачнае з праясненнямі надвор'е, паведамляе Белгідрамет.
Унач пераважна па поўначы, а ўдзень на большай частцы тэрыторыі краіны пройдуць кароткачасовыя дажджы. Уначы і зранку ў асобных раёнах будзе згушчацца туман. Вецер прагназуецца паўднёва-заходні з пераходам на паўночна-заходні парывісты, удзень па паўночным усходзе месцамі будзе моцны парывісты.
Тэрмометры ўначы пакажуць 8-14 вышэй за нуль, па ўсходзе краіны будзе 5-7 цяпла. Удзень чакаецца ад +15 па поўначы да +22 па поўдні Беларусі.
