Адмоўнае сальда знешняга гандлю склала 6,5 млрд. долараў

Адмоўнае сальда знешняга гандлю, паводле звестак гандлёвага балансу, за 2008 г. у Беларусі склала 6 млрд. 580 млн. долараў, паведамляе прэс-служба Нацыянальнага статыстычнага камітэта. Для параўнання, у 2007 г. гэты паказчык быў на ўзроўні 4 млрд. 417 млн. долараў.

За мінулы год экспарт павялічыўся на 35,5% у параўнанні з 2007 годам і склаў 32 млрд. 902,1 млн. долараў, імпарт вырас на 37,6% (39 млрд. 482,9 млн.). Аб'ём знешняга гандлю склаў 72 млрд. 385 млн. долараў (на 36,7% больш).

БелаПАН