Аляксандр Лукашэнка сказаў, у якім выпадку сыдзе на пенсію
Лукашэнка падчас інтэрв'ю Салаўёву / прэс-служба Лукашэнкі
Аляксандр Лукашэнка сыдзе на пенсію, калі не адчуе падтрымку беларускага народа. Пра гэта ён заявіў у інтэрв'ю расійскаму прапагандысту Уладзіміру Салаўёву:
— Калі б я толькі адчуў, што большасць беларускага народа Лукашэнку не падтрымлівае, лёс Лукашэнкі ім жа быў вырашаны на працягу сутак. Я сышоў бы.
На пытанне Салаўёва "Куды?" Лукашэнка адказаў "На пенсію".
На думку Лукашэнкі, зараз яго падтрымлівае большасць. Ён згадаў апытанні грамадскай думкі і сказаў, што патрабуе акружэнне дакладваць выключна праўдзівую інфармацыю.
У 2022 годзе споўніцца 28 гадоў знаходжання Аляксандра Лукашэнкі ва ўладзе. За гэты час, ён не раз заяўляў, што "не трымаецца за крэсла пасінелымі пальцамі". Адно з самых ранніх выказванняў пра тое, як ён "наеўся прэзідэнцтва", датуецца 2002 годам.
