"Апошні званок" на "Мінск-Арэне" і Аляксандр Саладуха (фота)

30 траўня ў беларускай сталіцы ўпершыню арганізавалі рэспубліканскае свята "Апошні званок". З Мінска і рэгіёнаў на яго сабралі 10 тысяч выпускнікоў 11-х класаў (з Мінскай вобласці — 600 хлопцаў і дзяўчат, лепшых выпускнікоў, з іншых абласцей — па 100). У "Мінск-Арэне" для іх арганізавалі ўрачыстае мерапрыемства. Уручаліся ўзнагароды ў розных намінацыях. У намінацыі "Талент-2018" гэта рабіў Аляксандр Саладуха. Ён паўдзельнічаў і ў канцэрце, арганізаваным для моладзі. Таксама выступалі Тэа і Вольга Рыжыкава, гурт "Да Вінчы", Саша Нэма, Алена Ланская, Мікіта Аляксееў. Фотарэпартаж змясціла на сваім сайце інфармацыйнае агенцтва БЕЛТА.