Аршанскі "ВітЭн" зноў прайграў у Кубку УЕФА па міні-футболе
Другое паражэнне пацярпеў у 1-м кваліфікацыйным раўндзе Кубка УЕФА па міні-футболе аршанскі "ВітЭн". У другім матчы 4-й групы чэмпіён Беларусі быў разгромлены партугальскай "Бенфікай" з лікам 1:7. Цяпер у беларусаў няма нават тэарэтычных шансаў на выхад у элітны раўнд самага прэстыжнага кантынентальнага турніру. БЕЛТА нагадвае, што ў першым матчы "ВітЭн" прайграў славенскаму клубу "Пунтар" — 0:3.
