Бабуля і ўнук згарэлі ў жылым доме
Трагічнае здарэнне адбылося сёння ўначы ў Докшыцкім раёне Віцебскай вобласці.
Паведамленне пра ўзгаранне ў жылым доме выратавальнікі атрымалі каля другой гадзіны ночы. Як адзначае БЕЛТА, ліквідаваць пажар ім удалося толькі праз гадзіну. Аднак у выніку здарэння загінула 66-гадовая гаспадыня дома і яе 4-гадовы ўнук. Хлопчык прыехаў у госці ў бабулі. Выратаваўся з пажару толькі дзядзька хлопчыка.
Прычына здарэння высвятляецца.
Фота — vestikavkaza.ru
