Бацька Кубаравай: Я адгаворваў дачку ад аперацыі
У Кастрычніцкім судзе пачаўся допыт пацярпелых па гучнай судовай справе "Экамедсэрвіса".
Пацярпелымі выступаюць бацькі памерлай гродзенкі Юліі Кубаравай. Па словах Юрыя Кубарава, ён адгаворваў дачку Аперацыі. Ён паведаміў, што Юля ўжо раней спрабавала выправіць гарбінку на носе ў 16 гадоў. Але тады аперацыя была без наркозу і скончылася няўдала.
Бацька распавёў, што хірург Серабро ўгаворваў Юлію пагадзіцца на аперацыю. Па словах хірурга, якія перадае бацька, з кожным годам дзяўчына павінна была б выглядаць горш і горш.
Акрамя таго, Юрый Кубараў паведаміў, што хірург Серабро патлумачыў ім свой сыход з медцэнтра адразу пасля аперацыі тым, што кепска прыпаркаваў машыну.
Нагадаем, што сёння ў судзе ідзе допыт бацькоў Юліі Кубаравай — пацярпелых у справе. Па абедзе чакаецца допыт сведкаў.
