Беларусь не зможа скарыстацца крэдытам МВФ у еўра — Жазэп Барэль
![Будынак Міжнароднага валютнага фонду / AFP](/sites/default/files/styles/gallery_main/public/2023-08/imf_17_11.jpg.webp?itok=6GNBqwjb)
Будынак Міжнароднага валютнага фонду / AFP
Беларускі ўрад не зможа канвертаваць у еўра сродкі МВФ, атрыманыя ў рамках праграмы бязвыплатнай падтрымкі краін — удзельніц фонду. Пра гэта гаворыцца ў лісце вярхоўнага прадстаўніка ЕС па знешняй палітыцы і бяспецы Жазэпа Барэля. З просьбай пракаментаваць сітуацыю да яго звярнуліся прадстаўнікі Народнага антыкрызіснага ўпраўлення.
Сродкі ў памеры каля мільярда долараў у выглядзе спецыяльных правоў запазычання (SDR) Беларусь атрымала гэтым летам. Сродкі вылучаліся ўсім краінам — удзельніцам фонду па квотах. Яны прызначаліся для падтрымкі нацыянальных эканомік, якія пацярпелі ад пандэміі. Але каб скарыстацца сродкамі, іх трэба канвертаваць у якую-небудзь валюту.
"Мы атрымалі запэўненне, што ЕС не дапусціць абмену SDR на еўра ні ў адным цэнтральным банку краін Еўрасаюза", — расказалі ў НАУ.
Барэль растлумачыў, што канвертацыя беларускіх SDR у еўрапейскіх банках немагчымая, таму што гэта стала б "парушэннем устаноўленай забароны на аказанне інвестыцыйных паслуг рэжыму Лукашэнкі, рэгламентаванага санкцыямі ЕС".
У НАУ падкрэслілі, што працягваюць працу па поўным блакаванні SDR-рахунку Беларусі ў МВФ. У прыватнасці, разлічваюць, што ЗША ўслед за ЕС зоймуць такую ж пазіцыю. Тым не менш застаецца магчымасць канвертаваць SDR у іншыя валюты, у прыватнасці, расійскі рубель.
![Беларусь не сможет воспользоваться кредитом МВФ в евро — Жозеп Боррель](/sites/default/files/paragraphs/image/borrel1711.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.