Беларусам пачалі прыходзіць "лісты шчасця" за адсутнасць тэхагляду
Праверка на дарогах / https://www.facebook.com/beltehosmotr
Беларусам пачалі прыходзіць "лісты шчасця" за адсутнасць тэхагляду. У першы раз кіроўца атрымлівае папярэджанне. У другі і наступныя разы — штраф да 96 рублёў. Абмежаванняў па колькасці штрафаў за язду без тэхагляду няма. Але атрымаць такое спагнанне можна не часцей чым раз на суткі.
У нашай краіне прылады, якія фіксуюць хуткасць на дарогах, днямі пачалі правяраць аўтамабілі яшчэ і на наяўнасць тэхагляду. Пра гэта папярэдзіў "Белтэхагляд". Адзначаецца, што "праца спецыяльных тэхнічных сродкаў забяспечана як у г. Мінску, так і ў рэгіёнах".
