Беларусам рэкамендуюць не ехаць ва Украіну
З такой рэкамендацыяй выступіла Міністэрства замежных спраў Беларусі.
Знешнепалітычнае ведамства раіць устрымацца ад паездак ва Украіну "без крайняй неабходнасці". Таксама МЗС рэкамендуе беларусам, якія знаходзяцца ў гэтай краіне, "пазбягаць удзелу ў палітычных акцыях і масавых мерапрыемствах аж да поўнай нармалізацыі сітуацыі".
Нагадаем, ва ўсходніх абласцях Украіны працягваецца антытэрарыстычная аперацыя, ёсць забітыя і параненыя. Учора падчас масавых беспарадкаў у Адэсе загінулі больш за 40 чалавек, каля 200 былі параненыя.
Фота — Reuters
