Беларускія гімнасткі займаюць 5-е і 6-е месца на пятым этапе Кубку свету
У італьянскім горадзе Пезара разыгрываецца Кубак свету па мастацкай гімнастыцы. Удзел у спаборніцтвах прымаюць і беларускія спартоўкі. На пятым этапе шматбор'я пасля двух практыкаванняў з чатырох нашыя суайчынніцы Меліціна Станюта і Святлана Рудалава займаюць, адпаведна, пятае і шостае месцы, інфармуе "Прессбол". Перад імі ідуць расіянкі Яўгенія Канаева і. Вера Сесіна, украінка Ганна Бяссонава і прадстаўніца Казахстану Алія Юсупава.
