Беларускія кампаніі паўдзельнічаюць у форуме "Высокія тэхналогіі XXI ст."
У Маскоўскім міжнародным форуме і выставе "Высокія тэхналогіі XXI стагоддзя" паўдзельнічаюць некалькі беларускіх кампаній. Расія будзе прадстаўленая 300 кампаніямі, будуць прадстаўленыя таксама Ўкраіна, Нямеччына і Чэхія. Мерапрыемства пройдзе з 21 да 24 красавіка. Асноўныя тэматычныя накірункі выставы — авіяцыйна-касмічныя тэхналогіі, радыёэлектроніка, тэлекамунікацыйныя сістэмы, біятэхналогіі, хімія, медыцына і экалогія. Таксама будзе прадстаўленая прадукцыя ваеннага прызначэння, паведамляе сайт city-fm.ru.
