Беларускія турысты могуць паехаць на 30 дзён у Інданэзію без візы
Інданэзія ўвяла бязвізавы рэжым для беларускіх турыстаў, якія плануюць знаходзіцца ў гэтай краіне не больш за 30 дзён. Пра гэта ў чацвер паведаміў Дзмітрый Мірончык, начальнік упраўлення інфармацыі, прэс-сакратар МЗС Беларусі.
Аднак ёсць абавязковая ўмова — на інданэзійскую тэрыторыю трэба трапляць праз пэўныя пункты пропуску ў аэрапортах, партах і на памежных пераходах. Іх будзе вызначаць Інданэзія. Таксама беларусы павінны мець пры сабе зваротны білет і пашпарт, да заканчэння тэрміну дзеяння якога застаецца не менш за шэсць месяцаў з моманту перасячэння інданэзійскай мяжы.
Адзначаецца, што працягнуць 30-дзённы тэрмін знаходжання ў Інданэзіі немагчыма. Аднак беларусы могуць атрымаць візу ўжо ў гэтай краіне.
Фота: Fotolia
