БГ аперавалі сэрца, ён адчувае сябе добра
Барысу Грабеншчыкову ў адной з берлінскіх клінік зрабілі шунтаванне сэрца. Аперацыю правёў доктар Яўген Патапенка, грошы на аперацыю — каля 35 тыс. еўра — дапамаглі сабраць сябры. Пра неабходнасць шунтавання Грабеншчыкоў даведаўся ў Вене, дзе праходзіў абследаванне. Пасля кансультацый з дактарамі Масквы і Пецярбурга быў выбраны Берлін, дзе шунтаванне звыклая справа. 27 лістапада БГ споўнілася 55 гадоў. У пачатку снежня 2008 г. выйшаў новы альбом «Акварыума» — «Лошадь белая».
