Брытанскія дзядулі і бабулі патрацяць 3 млрд фунтаў на падарункі ўнукам

Брытанскія дзядулі і бабулі патрацяць да 3 млрд фунтаў (4,47 млрд долараў) на падарункі сваім унукам на сёлетнія калядныя святы. Пра гэта сведчаць вынікі даследавання адной з сервісных кампаній, якая спецыялізуецца на выпуску банкаўскіх картак.  

Як адзначае РІА "Новости", большасць апытаных гатовыя траціць на падарункі больш грошай, чым летась. У сярэднім — 74 фунты (110 долараў) на аднаго ўнука, у Лондане — 111 фунтаў (165 долараў). Знізіць выдаткі вырашылі толькі 5% пенсіянераў.

Фота: Fotolia