BYSOL аб'явіў збор сродкаў для пісьменніцы Валярыны Куставай
Валярына Кустава мае патрэбу ў дапамозе / bysol.org
BYSOL аб'явіў збор дапамогі для Валярыны Куставай. Яна вядомая, як паэтка, тэлевядучая, ментарка і аўтарка медыяпраектаў.
У 2020 годзе яна стварыла праект "Беларус беларусу", з дапамогай якога расказвала пра рэпрэсіі і дапамагала сем'ям палітвязняў і рэпрэсаваных. Пасля на актывістку завялі крымінальную справу, і ёй давялося з'ехаць у Польшчу.
У дадзены момант Кустава мае патрэбу ў €8700. Грошы пойдуць на аплату даўгоў за арэнду кватэры Валярыны і кватэры яе бацькоў. Яшчэ частка сумы пойдзе на пакрыццё юрыдычных паслуг у Беларусі.
А калі атрымаецца сабраць суму больш за мінімальна неабходную, Валярына выдаткуе іх на рэабілітацыю бацькі, а таксама на сваё ўласнае лячэнне.
