Ціманоўская атрымала дазвол выступаць за Польшчу на міжнародных турнірах
Крысціна Ціманоўская / profile.ru
Лёгкаатлетка Крысціна Ціманоўская атрымала допуск да міжнародных спаборніцтваў, паведамляе Беларускі фонд спартовай салідарнасці.
Цяпер яна зможа змагацца за тое, каб выступаць на парыжскай Алімпіядзе-2024. Хутчэй за ўсё, бягуха будзе ўдзельнічаць у чэмпіянаце свету ў Будапешце.
На Алімпіядзе ў Токіа ў 2021 годзе спартоўка адмовілася бегчы на "чужой" дыстанцыі, што выклікала скандал у камандзе. Ціманоўскую вырашылі тэрмінова выслаць на радзіму, але яна стала змагацца за свае правы. У выніку бягуха апынулася ў Варшаве, Год таму яна атрымала польскае грамадзянства. Ціманоўская паспяхова ўдзельнічае ў польскіх спаборніцтвах.
