ЦВК абвясціў пра перамогу Назарбаева на выбарах у Казахстане
Паводле афіцыйных звестак, дзейны кіраўнік дзяржавы атрымаў у сваю падтрымку 97,7% галасоў.
У Казахстане скончыўся падлік галасоў на датэрміновых выбарах прэзідэнта краіны. Нурсултан Назарбаеў, паводле папярэдніх звестак ЦВК, набраў 97,7% галасоў выбарцаў. Пры гэтым яўка на выбары склала больш за 95%, перадае РБК.
Пра перамогу Назарбаева на брыфінгу паведаміў старшыня ЦВК Казахстана Куандык Турганкулаў. Як адзначаюць у ЦВК, бліжэйшы пераследнік Назарбаева камуніст Тургун Сыздыкаў набраў 1,6% галасоў. На трэцім месцы апынуўся старшыня прафсаюзаў краіны Абельгазі Кусаінаў — 0,7%.
Назарбаеў кіруе Казахстанам з 1989 года. У 2010 годзе ён атрымаў тытул елбасы — лідара нацыі.
Фота — ria.ru
