Дар’я Шманай ізноў назірае за пасланнем Лукашэнкі ў парламенце (фота)
Год таму пераможцу конкурсу прыгажосці “Каралева Вясна 2013” упершыню пабачылі сярод атачэння кіраўніка краіны таксама падчас паслання.
Пераможца конкурсу прыгажосці “Каралева Вясна 2013” Дар’я Шманай назірае за сёлетнім пасланнем Аляксандра Лукашэнкі побач з яго прэс-сакратаром Наталляй Эйсмант. Год таму Шманай пасадзілі побач з Наталляй Пяткевіч. Тады яна распавяла, што сапраўды “працуе там”, але не ўдакладніла дзе і кім.
Здымак 2014 года
Прычыны з’яўлення прыгажуні ў Доме урада невядомыя. Дзяўчына толькі ў мінулым годзе скончыла ўлікова-эканамічны факультэт БДУ і не займае ніякай высокай дзяржаўнай пасады.
У таварыстве Дар’і Шманай кіраўніка краіны бачылі неаднаразова і не толькі на афіцыйных мерапрыемствах. Напрыклад, падчас чэмпіянату свету па хакеі Лукашэнка наведваў разам з ёй хакейны матч Беларусь-ЗША.
