Дэпардзьё пераедзе у Беларусь і будзе жыць сярод сялян
Акцёр Жэрар Дэпардзьё заявіў пра тое, што хоча пераехаць у Беларусь і жыць сярод сялянаў. Такімі планамі ён падзяліўся з французскім выданнем Le Figaro.
Ён распавёў, што цяпер жыве ў Італіі, але будзе перабірацца ў Беларусь, “бо там прыгожа, і прэзідэнт — добры чалавек”.
Акцёр таксама сказаў, што яму не падабаецца Еўропа з-за палітыкі і праблем з мігрантамі.
Дэпардзьё наведаў Беларусь у ліпені ў рамках працы над фільмам “Нармандыя — Нёман”, а таксама сустрэўся з Аляксандрам Лукашэнкам. Падчас гэтай сустрэчы кіраўнік Беларусі пазнаёміў французскага артыста з некаторымі ўзорамі сельскагаспадарчай тэхнікі і навучыў касіць траву, паведамляюць замежныя СМІ.
Дарэчы, акцёр мае расійскае грамадзянства, якое атрымаў у пачатку 2013 года, бо не хацеў плаціць вялікія падаткі на багацце ў сябе на радзіме. Але Дэпардзьё не стаў жыць у Расіі, дзе яго добра прынялі.
