Два садкі і 11 жылых дамоў у Фаніпалі засталіся без ацяплення і гарачай вады
![Два садкі і 11 жылых дамоў у Фаніпалі засталіся без ацяплення і гарачай вады](/sites/default/files/styles/gallery_main/public/2023-08/batareja-0511.jpg.webp?itok=7B85uvjQ)
Без гарачай вады і ацяплення засталіся два дзіцячыя садкі і 11 жылых дамоў у Дзяржынскім раёне. Прычынай стаў прарыў трубаправода, паведамляе БЕЛТА.
Супрацоўнікі МНС атрымалі паведамленне пра аварыю 4 лістапада ў 19:39. У Фаніпалі на вуліцы Якуба Коласа, 1 прарвала трубаправод цеплазабеспячэння дыяметрам 273 мм.
Плануецца справіцца з аварыяй на працягу 5 лістапада.
Паводле інфармацыі Белгідрамета, уначы, калі фаніпальцы засталіся без ацяплення, у Беларусі было +3...+7.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.