Дзе патусіць на выхадных 13-15 чэрвеня, раіць Антон Матолька
Вядомы фатограф складае кінематаграфічна-выстаўную афішу на бліжэйшы week-end.
Вядомы фатограф Антон Матолька тусоўшчык па настроі. Хадзіць штодзень у розныя клубы ён не будзе, але на выходныя, калі ўзнікне жаданне, то з задавальненнем наведае што-небудзь. Апошнім часам, напрыклад, Антон аблюбаваў бар “Хуліган” і не выключае сваё з’яўленне там у выхадныя 13-15 чэрвеня. Але пятнічны вечар фатограф дакладна правядзе на адкрыцці новага клуба Beetlejuice, што на вуліцы Калініна, 7.
“У суботу днём у кінатэатры “Перамога” будуць паказваць фільм “Остраў-цуд, ці Палескія рабінзоны”, — пачынае з кіна-афішы Антон Матолька. — У дзяцінстве гэты твор Янкі Маўра быў адным з улюбёных. Таму я б з задавальненнем паглядзе,ў што можна было зняць паводле гэтай кнігі, тым больш, што сама яна мяне калісьці вельмі захапляла!”
|
Раіць схадзіць |
Не раіць |
||
|
Кіно |
Кінатэатр "Ракета" (зав. Працоўны, 3) |
13 чэрвеня, пятніца: "Насферату - Прывід ночы" Францыя, Германія, 1978 г. Рэжысёр: Вернер Херцаг Пачатак: 19:00 Квіткі: 20 тыс. "Дзіця Розмары" "Оскар" за Лепшую жаночую ролю другога плана (Рут Гордан), Прыз Французскага сіндыката крытыкаў за лепшы замежны фільм па выніках 1969 года. Пачатак: 21:00 Квіткі: 25 тыс. 14 чэрвеня, субота: "Птушкі" ЗША, 1963 г. Рэжысёр: Альфрэд Хічкок Пачатак: 17:00 Квіткі: 20 тыс. "Войцэк" Узнагарода Канскага кінафестывалю за Лепшую актрысу другога плана (Ева Мацес), намінацыя на Залатую пальмавую галінку Пачатак: 19:10 Квіткі: 20 тыс. "Адзінота бягуна на доўгую дыстанцыю" Прэмія BAFTA ў катэгорыі "Самы шматспадзеўны акцёрскі дэбют" (Том Кортні) Пачатак: 21:10 Квіткі: 20 тыс. 15 чэрвеня, нядзеля: "Нешта ў паветры" Францыя, 2012 Рэжысёр: Аліўе Асаяс Пачатак: 17:00 Квіткі: 20 тыс. "З мінулага" ЗША, 1947 г. Рэжысёр: Жак Турнэр Пачатак: 19:10 Квіткі: 20 тыс. "Мой амерыканскі дзядзька" Намінацыя на прэмію "Оскар" у катэгорыі "Лепшы сцэнарый", Намінацыя на прэмію "Сэзар" у катгорыях "Лепшы фільм", "Актрыса", "Рэжысёр", "Адаптаваны ці арыгінальны сцэнарый", "Аператар" і "Дэкарацыі". Пачатак: 21:10 Квіткі: 20 тыс. |
|
|
"Перамога" (вул. Інтэрнацыянальная, 20) |
14-15 чэрвеня: "Остраў-цуд, ці Палескія Рабінзоны" Рэжысёр: Сяргей Сычоў Паводле апавядання Янкі Маўра "Палескія Рабінзоны" Пачатак: 13:30 Квіткі: 5 тыс! |
||
|
Мерапрыемствы |
Адкрыццё кавярні Beetlejuice |
13 чэрвеня, пятніца: Новы клуб Яна Бусла (вул. Калініна, 7) |
|
|
Сырны фэст |
14 чэрвеня, субота: Музей народнай архітэктуры і побыту (Мінскі раён, Азярцо) Працуе: 12:00-18:00 Даведкі: (17)507 69 37 |
||
|
Канцэрты |
Аляксандра Захарык, Алёна Гарбачова |
13-14 чэрвеня: Бар Coyote (пр. Незалежнасці, 117А) Пачатак: 21:00 Даведкі: (29)190 66 66, (17)268 01 75 |
|
|
Кацярына Папова, Vip Jazz Андрэя Славінскага |
13 чэрвеня, пятніца: "Поющие фонтаны" (вул. Кастрычніцкая, 5) Пачатак: 20:00 Даведкі: (44)5000000 |
||
|
Выставы |
Кінатэатр “Перамога” (вул. Інтэрнацыянальная, 20) |
13 чэрвеня, пятніца: Выстава амерыканскіх плакатаў часоў Першай сусветнай вайны. Уваход вольны Даведкі: (17)203 77 66 |
|
|
"Back in BSSR / Зноў у БССР" |
"Музей гісторыі горада Мінска" (вул. Рэвалюцыйная, 10) Працуе: 11:00-19:00 Даведкі: (17)321 24 30, (17)321 34 38 |
||
А вось суботнія вечаровыя планы знакамітага фатографа залежаць выключна ад надвор’я. Паводле прагнозу, на выхадных яно будзе не самае летняе, але, калі сіноптыкі памыляюцца, то Антон раіць з’ездзіць у музей Беларускай архітэктуры і побыту ў Строчыцах пад Мінскам, дзе будзе праходзіць чарговы “Сырны фэст”.
“Калі надвор’е ўсё ж не будзе спрыяць, то, магчыма, выхадныя варта цалкам прысвяціць кінематографу, — працягвае Антон. — Напрыклад, у “Ракеце” працягваецца праект Cinemascope, у межах якога і ў пятніцу, і ў суботу, і ў нядзелю будуць паказваць даволі цікавыя фільмы аўтарства Хічкока і не толькі”.
А вось тэатры Антона Матолька не зацікавілі. Гастрольны сезон ды адпачынкі пакінулі вельмі небагаты выбар ў сталічнай афішы. Прыкладна такая ж сітуацыя і з канцэртамі, за выключэннем хіба парачкі джазавых імпрэзаў.
“Знайшоў некалькі джазавых канцэртаў, але яны ўсе ў рэстаранах. Калі б гэта быў, напрыклад, фармат “Джазавых субот”, якія праходзілі ў нас у цэнтры горада, то я б абавязкова зазірнуў. А ісці за джазам у рэстаран — крута, канешне, але не для мяне”.
Ну, і каб крыху разбавіць кінематаграфічныя выхадныя, фатограф Антон Матолька раіць наведаць дзве выставы, у які дзень якую — вырашаць вам.
“Выстава амерыканскіх плакатаў часоў Першай сусветнай вайны ў кінатэатры “Перамога” ды ў “Музеі гісторыі горада Мінска” экспазіцыя Back in BSSR. Амерыканскія плакаты заўсёды былі цікавымі. Глядзець іх у інтэрнэце — адно, а ў надрукаваным выглядзе — зусім іншае. Ну а Back in BSSR — я ў гэтыя часы не жыў! Зноў жа, успрымаць усё праз інтэрнэт надакучыла, чаму б не паглядзець на ўсё нажыва? Тым больш, іх рэклама на вуліцах мне спадабалася”.
Выдатных вам выхадных!
Фота з Facebook Антона Матолькі
