Экс-следчага Яўгена Юшкевіча даставілі ў СІЗА КДБ
Былога следчага Яўгена Юшкевіча даставілі ў СІЗА КДБ. Як паведаміла яго адвакатка Марыя Колесава-Гудзіліна, яго падазраюць у тэрарызме (артыкул 289 Крымінальнага кодэкса).
Дома ў Юшкевіча адбыўся ператрус.
Як распавядала Еўрарадыё, сёння Яўген Юшкевіч перастаў выходзіць на сувязь. Трывогу забіла яго дзяўчына.
За апошнія месяцы гэта другое затрыманне экс-следчага. 25 лістапада 2020 года яго затрымалі па крымінальнай справе. Яго падазравалі ў "арганізацыі і падрыхтоўцы дзеянняў, што груба парушаюць грамадскі парадак, альбо актыўным удзеле ў іх". Аднак 4 снежня Юшкевіча вызвалілі пад падпіску аб нявыездзе.
@ewenk_yu находится в СИЗО КГБ . Родственникаи показали постановлениена обыск, где указана ст.289 УК РБ
— Mary Kolesova-Hudzilina (@kolesovahudz) April 19, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
