ЕС заклікаў буйныя тэхналагічныя кампаніі дапамагчы незалежным беларускім СМІ
"Забеспячэнне бачнасці ў інтэрнэце праўдзівай інфармацыі, а не прапаганды" / pixabay.com
Еўракамісія заклікае Google, Meta і іншыя буйныя тэхналагічныя кампаніі дапамагчы незалежным беларускім СМІ, піша Financial Times. У прыватнасці, прасоўваючы іх матэрыялы вышэй, чым тыя, што публікуюць праўладныя СМІ. У Еўракамісіі адзначылі, што алгарытмы пошуку не ўлічваюць цэнзуру, якая дзейнічае ў Беларусі.
"Барацьба з дэзынфармацыяй і прасоўванне свабоды СМІ — гэта два бакі аднаго медаля, і мы хочам, каб Big Tech займаўся абодвума, — кажа віцэ-прэзідэнтка Еўракамісіі Вера Ёўрава. — ...Гэта азначае забеспячэнне бачнасці ў інтэрнэце праўдзівай інфармацыі, а не прапаганды Мінска ці Крамля".
У кампаніі Google заявілі выданню, што "прыкладаюць усе намаганні, каб ствараць нашы прадукты і забяспечваць выкананне нашай палітыкі спосабамі, якія не бяруць да ўвагі палітычныя прыхільнасці". А пошук "заўсёды можа быць лепшым". У кампаніі спасылаюцца на існаванне "соцень фактараў, якія вызначаюць, якія вынікі будуць паказаны".
