Федэрацыю прафсаюзаў Беларусі ўзначаліў былы кіраўнік Мытнага камітэта
Юрый Сянько / 1prof.by
Федэрацыю прафсаюзаў Беларусі ўзначаліў былы кіраўнік Мытнага камітэта Юрый Сянько. Міхаіл Орда, які кіраваў лукашэнкаўскімі прафсаюзамі апошнія дзесяць гадоў, перайшоў на працу ў Палату прадстаўнікоў, дзе будзе дэпутатам.
Сянько 1967 года нараджэння. Скончыў Гродзенскі дзяржуніверсітэт імя Янкі Купалы і Акадэмію кіравання. Шмат гадоў працаваў на мытні. Дзяржаўны мытны камітэт узначальваў у 2014-2020 гадах. Восенню 2020-га быў прызначаны паслом у КНР. У лістападзе мінулага года Юрыя Сянько вызвалілі ад гэтай пасады. Яго замяніў Аляксандр Чарвякоў, экс-міністр эканомікі.
