Фінал беларускага адбору на Еўрабачанне пройдзе 22 студзеня

9 снежня Белтэлерадыёкампанія правяла лёсаванне фіналістаў нацыянальнага адбору на песенны конкурс Еўрабачанне-2016.

Як паведамляе прэс-служба Белтэлерадыёкампаніі, канкурсанты выступяць у наступным парадку:

1. Аляксей Грос;
2. Саша Захарык;
3. Валерыя Садоўская;
4. гурт "Радиоволна";
5. гурт THE EM;
6. гурт NAVI;
7. Саша Іваноў;
8. Анастасія Малашкевіч;
9. Кірыл Ермакоў;
10. NAPOLI.

Бліжэйшымі днямі пачнуць здымаць візітоўкі для кожнага з 10 фіналістаў. Гэтыя візітоўкі будуць транслявацца ў эфіры тэлеканалаў "Беларусь 1" і "Беларусь 24" напярэдадні фіналу і падчас самога гала-канцэрта.

Фінальнае шоў пройдзе 22 студзеня 2016 года. Тэлеканцэрт будзе паказаны ў жывым эфіры на тэлеканалах "Беларусь 1" і "Беларусь 24".

Фота: Белтэлерадыёкампанія