Фотафакт: У Віцебску адзначаюць 100-годдзе "Чорнага квадрата" Малевіча
У абласным краязнаўчым музеі 8 кастрычніка адкрылася выстава карцін, арт-аб'ектаў і інсталяцый удзельнікаў мясцовага творчага аб'яднання "Квадрат".
Акрамя віцебскіх мастакоў у выставе ўдзельнічаюць творцы і са сталіцы.
Нагадаем, што паводле адной з версіяў, Малевіч нарадзіўся ў Капылі на Міншчыне. Прынамсі, так сцвярджае доктар фізіка-матэматычных навук, прафесар, пісьменнік і ўнучаты пляменнік мастака Ігар Малевіч. У Віцебску Казімір Малевіч жыў з 1919 года, кіраваў майстэрняй у Народнай мастацкай вучэльні.
На здымку: на выставе, прысвечанай 100-м угодкам карціны Казіміра Малевіча "Чорны квадрат". Фота — БЕЛТА
