ФСБ заявіла аб перадухіленні забойства Сіманьян

За жыццё кіраўніцы RT і Sputnik нібыта прапанавалі 1,5 мільёна расійскіх рублёў — крыху больш за 16,5 тысяч долараў. Такі ж "кошт" быў і забойства Сабчак.

Падазраюць у падрыхтоўцы забойстваў "неанацыстаў з групоўкі "Параграф-88".

"У затрыманых канфіскаваныя аўтамат Калашнікава з патронамі, гумовыя дубінкі, нажы, кастэты і кайданкі", — заявілі ў ФСБ.

Але цалкам верагодна, што заява ФСБ можа быць усяго толькі "інфармацыйнай аперацыяй", і насамрэч ніякага забойства ні Сіманьян, ні Сабчак не рыхтавалася. Апошні раз, калі паведамлялася пра "небяспечную пасылку", якую атрымала кіраўніца RT, у выніку там аказалася секс-цацка.