Футбаліст Аляксандр Глеб у Турцыі пабіўся з аднаклубнікам (фота)
Здарылася гэта на трэніроўцы "Коньяспора", за які выступае беларускі легіянер.
Як паведамляе football.by, патасоўка адбылася паміж Аляксандрам Глебам і Азгюрам Азкая. Футбалісты "Коньяспора" на трэніроўцы падзяліліся на дзве каманды і гулялі паміж сабой. Азкая зрабіў даволі грубы падкат пад Глеба і беларус не вытрымаў. Супакойвалі футбалістаў іх партнёры па камандзе.
Віцэ-прэзідэнт "Коньяспора" Аль-Сельчук заявіў, што канфлікт вычарпаны, у выніку футбалісты паціснулі адзін аднаму рукі.
