Інстаграм-акаўнт царквы "Новае жыццё" прызналі экстрэмісцкім
Прамаўляе пастар царквы Вячаслаў Ганчарэнка / facebook.com/newlifeminsk
Суд прызнаў экстрэмісцкімі Інстаграм-акаўнт пратэстанцкай царквы "Новае жыццё" і Youtube-ролік ад 21 лістапада 2020 года з назвай "Пазіцыя хрысціян царквы "Новае жыццё".
Як паведамляе тэлеграм-канал "Хрысціянская візія", абшчына атрымала рашэнне суда ад 23 жніўня 2023 года. На сёння названыя матэрыялы ўжо выдалілі.
Раней дома ў пастара царквы Вячаслава Ганчарэнкі адбыўся ператрус, а самога яго арыштавалі на 10 сутак, абвінаваціўшы ў непадпарадкаванні міліцыянтам.
У 2020-м вернікі царквы выказаліся супраць гвалту з боку сілавікоў.
