Лукашэнка пацвердзіў, што Пуцін прапанаваў сустрэцца на Валааме
![Лукашэнка пацвердзіў, што Пуцін прапанаваў сустрэцца на Валааме](/sites/default/files/styles/gallery_main/public/2023-08/1529462652_0_0_3644_2048_1440x900_80_1_1_dd5283a7cde49ae1b03a28a5c44ddf5c.jpg.webp?itok=1vJl0JCa)
Аляксандр Лукашэнка пацвердзіў, што Уладзімір Пуцін прапанаваў сустрэцца на Валааме, інфармуе БЕЛТА. Валаамскі мужчынскі манастыр знаходзіцца на востраве ў паўночнай частцы Ладажскага возера. Неафіцыйныя інфармацыя пра магчымую сустрэчу з'явілася днямі. Яна нібыта запланаваная на 11 ліпеня. Гэта якраз апошні дзень візіту на Валаам патрыярха Кірыла. Магчыма, што ён паўдзельнічае ў сустрэчы кіраўнікоў Беларусі і Расіі.
Лукашэнка заявіў, што ён з Пуціным не збіраюцца на Валааме прымаць нейкія тайныя рашэнні. "Гэта наша праваслаўная святыня, — кажа беларускі кіраўнік. — Я там проста павінен пабываць".
Аляксандр Лукашэнка мяркуе, што Уладзімір Пуцін асабіста правядзе для яго экскурсію па востраве.
Раней анансавалася, што афіцыйная сустрэча Лукашэнкі і Пуціна мусіць адбыцца 18 ліпеня ў Санкт-Пецярбургу.