Лукашэнка папрасіў перадаць у ЕС сігнал наконт Украіны
![Лукашэнка папрасіў перадаць у ЕС сігнал наконт Украіны](/sites/default/files/styles/gallery_main/public/2023-08/2019-06-30t191557z_1785459131_up1ef6u1hilrl_rtrmadp_3_games-europe_0.jpg.webp?itok=Rx5ii4XE)
Аляксандр Лукашэнка выказаўся пра сітуацыю ва Украіне. Падчас сустрэчы ў Мінску з кіраўніцай прадстаўніцтва ЕС у Беларусі Андрэа Віктарын, беларускі кіраўнік адзначыў: "У нас ёсць з вамі агульная праблема, можна сказаць, бяда — Украіна... Гэты нарыў, гэты галаўны боль для Еўрапейскага саюза трэба як мага хутчэй зняць".
Лукашэнка заявіў, што пасля прэзідэнцкіх і парламенцкіх выбараў пытанне ўлады ва Украіне "так ці інакш... вырашана". Цяпер важна, каб сітуацыя там стабілізавалася і кіраўнік Беларусі чакае, што Брусель пасадзейнічае гэтаму. "Я пераканаўча прашу вас, як бы ні было складана вам цяпер, едучы ў іншую краіну [Андрэа Віктарын накіроўваецца ў Арменію, дзе будзе прадстаўляць інтарэсы ЕС], перадаць гэты сігнал Еўрапейскаму саюзу: Украіна мае патрэбу ў падтрымцы", — цытуе словы Аляксандра Лукашэнкі яго прэс-служба.
Кіраўнік Беларусі падкрэсліў, што Кіеў больш арыентуецца на Брусель, чым на Маскву ці Мінск. Таму Еўрасаюз, які "сказаў А, павінен сказаць Б" — мусіць падтрымліваць украінскі народ.