Магія "Дыснея": круізны лайнер кампаніі выратаваў людзей з катамарана, які тануў
Disney Treasure / Disney
Новы круізны лайнер Disney выратаваў чатырох чалавек з катамарана, які патанаў, піша ВВС.
Невялікае судна пачало тануць 10 лістапада, і пасажыры падалі сігнал бедства Берагавой ахове ЗША. Тыя абвясцілі надзвычайную сітуацыю. Бліжэй за ўсіх да катамарана апынулася судна Disney Treasure, якое накіроўвалася з Еўропы ў ЗША.
"Мы ўсцешаныя, што Disney Treasure здолеў дапамагчы пасажырам судна, якія знаходзіліся ў небяспецы", — сказаў капітан Disney Treasure Марка Нагара.
Каманда спусціла на ваду невялікую лодку і выратавала ўсіх чацвярых пасажыраў невялікага катамарана Serenity.
