Марш супраць тэрору: шлях мінчукоў у Курапаты ў фотаздымках

01/11/2020 - 15:14

Супрацьстаянне пратэстоўцаў і сілавікоў на Маршы супраць тэрору ў Мінску 1 лістапада 2020 года / Еўрарадыё

Супрацьстаянне пратэстоўцаў і сілавікоў на Маршы супраць тэрору ў Мінску 1 лістапада 2020 года / Еўрарадыё

Напярэдадні дня памінання мёртвых — "Дзядоў" — у 85-ы дзень пратэстаў беларусы выправіліся ў Курапаты, каб ушанаваць памяць ахвяраў сталінскіх рэпрэсій, растраляных ва ўрочышчы ў 1937-1940-х гадах.

Але шлях мінчукоў апынуўся доўгім: сілавікі суправаджалі кожны іх крок на шляху ў Курапацкі лес, перыядычна нападаючы, хапаючы, збіваючы. А поле за МКАДам ля ўрочышча ператварылася ў поле бітвы: мірных дэманстрантаў разганялі гумовымі кулямі і светлашумавыя гранатамі. У СМІ ёсць шмат відэа-сведчанняў выкарыстання спецсродкаў супраць пратэстоўцаў, але МУС пакуль не пацвердзіла іх прымяненне.

А пакуль — шлях пратэстоўцаў на месца сталінскага тэрору пад дуламі аўтаматаў беларускіх сілавікоў узору 2020 года ў фота.

Марш против террора: путь минчан в Куропаты в фото

Па дзяржканалах пераконваюць, што пратэсты "радыкалізуюцца". Вось яны, беларускія "радыкалы": з белымі кветкамі

Па пятах людзей з плакатамі і кветкамі ішлі людзі са зброяй

Але людзі без зброі не здаваліся і ішлі далей

Перыяждычна іх хапалі і пырскалі ў твары слезацечным газам

Але яны падымалі рукі ўгару і дэманстравалі сілавікам сутнасць беларускага пратэсту — ён выключна мірны

Але сілавікі былі з вадамётамі

І з калючым дротам

І іх было шмат

І нягледзячы на разгон, хапун, гучанне куль і гранат, пратэстоўцы такі дайшлі да Курапатаў

Легендарная Ніна Багінская таксама дайшла да Курапацкага лесу

"У нашых сэрцах больш няма страху", напісана на плакаце. І гледзячы на тое, што сёння 85-ты дзень пратэстаў, беларусаў кідаюць у турмы, гвалцяць, рэпрэсуюць, а яны кожны дзень выходзяць на вуліцах, у іх сэрцах сапраўды больш няма страху