Мінздароўя анулявала ліцэнзію медыцынскага цэнтра "Новое зрение"

Міністэрства аховы здароўя Беларусі прыняло рашэнне спыніць дзеянне ліцэнзіі медыцынскага цэнтра "Новое зрение". Падставай сталі вынікі працы праверкі Камітэта дзяржкантролю. Кантралёры выявілі, што "суіскальнікам для прадстаўлення ліцэнзіі на медыцынскую дзейнасць у Міністэрства аховы здароўя прадстаўленыя падробленыя дакументы з недакладнымі звесткамі пра адказных асоб, якія не былі працаўладкаваныя на прадпрыемстве". Акрамя таго, узніклі пытанні да дакументаў пра памяшканні і медыцынскія вырабы. Яны былі аформленыя на юрыдычную асобу да яе стварэння і рэгістрацыі. У выніку калегія Мінздароўя сёння прыняла рашэнне спыніць дзеянне ліцэнзіі "Нового зрения" на медыцынскую дзейнасць. Клінікі медцэнтра не могуць працаваць ужо з сённяшняга дня.

У прэс-службе Мінздароўя чамусьці вырашылі супакоіць, што "даступнасць афтальмалагічнай медыцынскай дапамогі ў краіне захаваецца". Нагадаем, у красавіку стала вядома пра крымінальную справу, якую завялі на ўладальніка медцэнтра "Новое зрение" і чатырох ягоных работнікаў. Сцвярджалася, што Дэпартаменту фінансавых расследаванняў вядомыя факты выплаты заробкаў "у канвертах".

Раней улады таксама прыпынялі працу і іншых буйных медцэнтраў, у тым ліку "Ладэ" і "Нардзіна".