На пажары ў Мінску выратавалі пяць чалавек
![На пажары ў Мінску выратавалі пяць чалавек](/sites/default/files/styles/gallery_main/public/2023-08/pazhar-1008-2.jpg.webp?itok=pNg-8ERC)
Пяць чалавек выратавалі сталічныя ратавальнікі на пажары на вуліцы Тухачэўскага 9 жніжўня, паведамляе прэс-служба МНС.
Звесткі пра пажар ратавальнікі атрымалі каля 15-й гадзіны. Прыбыўшы на месца выкліку, падраздзяленні МНС пабачылі, што з акна кватэры на другім паверсе двухпавярховага дома ідзе дым.
З калідора кватэры, дзе быў пажар, работнікі МНС выратавалі гаспадара. Мужчына з атручваннем прадуктамі гарэння, тэрмаінгаляцыйнай траўмай, апёкамі галавы, шыі, тулава, верхняй канечнасці другой-трэцяй ступеняў (10% цела) быў шпіталізаваны. Паводле папярэдніх звестак, ён быў нецвярозы.
З дапамогай масак супрацоўнікі МНС выратавалі з суседніх кватэраў чатыры чалавекі, у тым ліку адно дзіця. Ніхто з іх не пацярпеў.
Пажар быў ліквідаваны менш чым за 15 хвілінаў.
Агонь пашкодзіў канапу і маёмасць у адным з жылых пакояў.
Мяркуецца, што прычынай пажару неасцярожнасць гаспадара кватэры пры курэнні.