На высылку з Беларусі дыпламатаў Варшава можа даць "адэкватны адказ"
МЗС Польшчы "пакідае за сабой права на адэкватны адказ". Так пракаментаваў у Twitter прапанову МЗС Беларусі пакінуць нашу краіну кіраўніку і консулу Генконсульства Польшчы ў Гродне намеснік міністра замежных спраў Польшчы Марцін Пшыдач.
Калі 9 сакавіка МЗС Беларусі прапанавала польскаму консулу ў Брэсце пакінуць нашу краіну, у адказ на гэта Польшча аб'явіла пра высылку беларускага дыпламата. Аднак афіцыйны Мінск успрыняў гэтую высылку як "празмерны, асіметрычны і дэструктыўны адказ Польшчы". Пры гэтым рашэнне ўладаў Беларусі аб высылцы польскага консула ў Брэсце называецца правамоцным і матываваным.
Mińsk podjął decyzję o wydaleniu kolejnych dwóch Konsulów RP pracujących na Białorusi. Polska rezerwuje sobie prawo do adekwatnej odpowiedzi.
— Marcin Przydacz (@marcin_przydacz) March 11, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
