На вытворчасці сыркоў у Барысаве рука жанчыны трапіла ў дазатар
![На вытворчасці сыркоў у Барысаве рука жанчыны трапіла ў дазатар](/sites/default/files/styles/gallery_main/public/2023-08/barysau-1807-4.jpg.webp?itok=6bOxA7jZ)
Барысаўскіх ратавальнікаў 17 ліпеня выклікалі на дапамогу на прадпрыемства па вытворчасці глазураваных сыркоў. Выклік паступіў у 13:41, інфармуе прэс-служба МНС.
На месцы выкліку ратавальнікі высветлілі, што ў дазатары тварожнай масы заціснула руку жанчыны, якая працуе ўкладчыцай-упакоўшчыцай на прадпрыемстве. Паводле папярэдніх звестак, гэта адбылося падчас мыцця абсталявання.
Работнікі МНС вызвалілі руку з дапамогай адмысловага інструмента і бензарэза. Пацярпелую перадалі брыгадзе медыкаў. Пасля агляду яе з рознымі траўмамі шпіталізавалі ў раённую лякарню.