У Чашніках пачалі капрамонт моста, які прызналі аварыйным яшчэ 6 гадоў таму
![Рамонт моста ў Чашніках](/sites/default/files/styles/gallery_main/public/2024-09/czaszniki-0409_1.jpg.webp?itok=cxth4Vsg)
Рамонт моста ў Чашніках / vitvesti.by
У Чашніках пачалі рамонт моста, які перасякае меліярацыйны канал на вуліцы Луначарскага, пішуць "Витебские вести". Нюанс у тым, што мост быў прызнаны аварыйным яшчэ шэсць гадоў таму — у 2018-м.
Сам раён не мог заняцца рамонтам праз дарагоўлю. Давялося чакаць, пакуль з абласнога бюджэту сёлета не вылучылі на гэта 1,7 мільёна рублёў.
Паводле намесніка старшыні Чашніцкага райвыканкама Мікалая Івашэня, у горадзе ёсць чатыры масты — і ўсім ім неабходны рамонт. А мост на вуліцы Будаўнічай увогуле трэба зносіць і ставіць на яго месцы іншы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.