Нацыянальны аэрапорт Мінск працуе ў штатным рэжыме
Нацыянальны аэрапорт Мінск працуе ў штатным рэжыме, паведамляе БЕЛТА са спасылкай на адміністрацыю аэрапорта. Усе прылёты і адлёты ажыццяўляюцца згодна з раскладам.
Раней паведамлялася пра затрымку і адмену некаторых рэйсаў. У прыватнасці, кампанія LOT адмяніла ўчора рэйсы Варшава — Мінск і Мінск — Варшава ў сувязі з неспрыяльным надвор’ем.
Напярэдадні Беларусь апынулася ў зоне цыклона “Даніэла”, які прынёс на большую частку тэрыторыі снежныя буры. У Мінску вышыня снегавога покрыва дасягнула 32 см.
