Не адчыніў дзвярэй калядоўшчыкам толькі праваслаўны святар
Мастак Алесь Пушкін дзеліцца падрабязнасцямі калядаванняў, якія ён ладзіць у мястэчку Бобр ужо 13 год.
Увечары 7 студзеня 9 чалавек апрануліся ў абрадныя строі і на возе праехаліся з каляднымі песнямі ды віншаваннямі. Калядны дзед, мядзведзь, каза, двое механошаў ды спевакі заходзілі, між іншага, у хаты да людзей, якія калісьці пакрыўдзілі Алеся Пушкіна – напрыклад, да былога капітана міліцыі, які летась прывёў у двор да Пушкіных правакатара. Калядоўшчыкі назбіралі не толькі цукерак ды сала, у мех кінулі нават марожаную курыцу. Не адчыніў дзвярэй калядоўшчыкам толькі мясцовы праваслаўны святар...
