Новая сістэма рэгулявання цэн закране больш за 90% тавараў у Беларусі
У МАРГ распавялі, якія цэны будуць рэгуляваць / Еўрарадыё
Новая сістэма рэгулявання цэн у Бедарусі закране больш за 90% тавараў. Такую лічбу назваў міністр антыманапольнага рэгулявання і гандлю Аляксей Багданаў.
Як распавядала Еўрарадыё, напярэдадні Саўмін падпісаў пастанову пра новую сістэму рэгулявання цэн.
"Сутнасць дакумента — стоп некантралюемаму росту цэн, то бок выбудаваная сістэма рэгулявання цаны па ўсім ланцужку ад вытворцы да прылаўка", — перадае БЕЛТА словы Багданава.
Міністр паведаміў, што рэгуляванне цэн закранае 370 таварных груп — гэта больш за 90% тавараў, якія купляюць беларусы.
"За выключэннем лекаў, паліва, алкаголю, тытуню. Гэтыя тавары рэгулююцца іншымі нарматыўна-прававымі актамі, і сюды іх уключаць не было ніякага сэнсу", — дадае міністр.
