Пад Мінскам выхавацелька дзіцячага садка атруцілася ўгарным газам
Трагічнае здарэнне адбылося ў пасёлку Ждановічы пад Мінскам. Як паведамляе прэс-служба Міністэрства па надзвычайных сітуацыях, 28 лістапада ратавальнікі атрымалі інфармацыю пра атручэнні ўгарным газам 38-гадовай жанчыны.
Паведамляецца, што няшчасны выпадак адбыўся ў жылым доме па вуліцы Майскай у Ждановічах Мінскага раёна. Загінулая жанчына працавала выхавацелькай у дзіцячым садку.
Меркаванай прычынай здарэння называецца парушэнне правілаў эксплуатацыі печаў, цеплагенеруючых агрэгатаў і прыладаў.
Фота: mchs.gov.by
