Пераходны кабінет спрабуе ўсталяваць афіцыйныя адносіны з уладамі Украіны

Прадстаўнік па замежных справах Аб'яднанага пераходнага кабінета Беларусі Валерый Кавалеўскі знаходзіцца ва Украіне, каб усталяваць афіцыйныя адносіны Кабінета з уладамі Украіны. Пра гэта паведамляе тг-канал Пераходнага кабінета.

Кавалеўскі плануе расказаць украінскаму боку пра дзейнасць Кабінета, а таксама правесці кансультацыі ў сувязі з эскалацыяй удзелу рэжыму Лукашэнкі ў расійскай агрэсіі супраць Украіны.

Мяркуецца таксама разгледзець супольныя захады па абароне незалежнасці абедзвюх краін ва ўмовах расійскай агрэсіі і па вырашэнні ўнутрапалітычнага крызісу ў Беларусі.

Акрамя таго, прадстаўнік Пераходнага кабінета мае намер абмеркаваць прапановы наконт супрацоўніцтва дэмакратычнай Беларусі і Украіны ў міжнароднай палітыцы дзеля дасягнення супольных мэтаў.