Прэзентацыя новага альбома «The Toobes» у Мінску

У адным са сталічных клубаў адбылася прэзентацыя новага альбома беларускага гурта з небеларускай назвай “The Toobes”. На канцэрце была цалкам запоўненая заля, і, судзячы па адказах на пытанні «Што гэта за гурт?» ды «Што вы тут робіце?», большасць публікі была выпадковай: рэклама ў пераходзе «Кастрычніцкая - Купалаўская» зрабіла сваю справу.

Канцэрт атрымаўся неблагі: якасны гук, стылёвыя хлопцы з гурта, апранутыя ў нацыянальныя бела-чырвоныя колеры, а песні падаваліся салянкай з усіх магчымых варыяцый року – нават слухачы, якія прыйшлі на канцэрт, не маглі дакладна акрэсліць накірунак, у якім грае гурт: пасля доўгіх перамовах сыйшліся на фанк-року.