Расіяніну, які ўдарыў мінскага маршрутчыка, далі адзін год калоніі

Пацярпелы маршрутчык Анатоль у судзе паведаміў, што дараваў свайму крыўдзіцелю і ніякіх прэтэнзіяў да яго не мае. Абвінавачаны, 42-гадовы Ігар са Стаўрапаля, таксама на судзе прасіў прабачэння і тлумачыў, што пагарачыўся. У якасці кампенсацыі падсудны абавязаўся выплаціць маршрутчыку грошы.

Другі ўдзельнік канфлікту, бакінец Саро Львовіч, кажа, што на вуліцы Арлоўскай была звычайная дарожная сітуацыя. Ён лічыць, што маршрутчык тады зрабіў няслушна: выскачыў у суседнюю паласу проста перад імі і стварыў аварыйную сітуацыю.

"Ігар на Hyundai спыніўся перад маршруткай, а мой бацька затармазіў проста ў другой паласе: згортваць яму было няма куды. Ніхто маршрутку не блакаваў! Потым Ігар выскачыў з сваёй машыны, падскочыў да яе і ўдарыў яе кіроўцу. Гэтага ўсяго я не бачыў — выйшаў з аўто пазней, даведаўся пра гэта на следстве. А на мяне потым звалілі, быццам бы я трымаў маршрутчыка, каб ён не супраціўляўся! Не было такога!" — заяўляе Саро Львовіч. 

Жонка падсуднага распавяла, што яны заплацілі пацярпеламу маршрутчыку крыху больш за тры тысячы долараў, у тым ліку аплацілі выдаткі на лячэнне.

Прысуд расіяніну і яго сваякі, і пацярпелы кіроўца маршруткі назвалі празмерна жорсткім. 

Сваякі Ігара плануюць абскардзіць рашэнне суда.