Разам і назаўжды: як украінцы і беларусы ЗША дапамагаюць параненаму ваяру — эфір
![Сяржук Шаліга і Ірына Вашчук-Дысіпіо / калаж Еўрарадыё](/sites/default/files/styles/gallery_main/public/2023-12/syarzhuk_shaliga_i_iryna_dysipio_vashchuk.jpg.webp?itok=Pc_eeEks)
Сяржук Шаліга і Ірына Вашчук-Дысіпіо / калаж Еўрарадыё
Вайна гэта не толькі навіны пра перамогі ды пералік знішчанай вайсковай тэхнікі і жывой сілы ворага. Апроч таго, гэта яшчэ і страты ды параненыя сярод сваіх. У тым ліку і тых беларускіх добраахвотнікаў, якія ваююць на баку Украіны. А раны могуць быць такія, для лекавання якіх неабходна звяртацца да еўрапейскіх альбо амерыканскіх лекараў. Што вымагае ў тым ліку і вялікіх выдаткаў. Як у выпадку з ваяром палка Каліноўскага “Акулам”, якога адправілі на лекаванне ў ЗША і цяпер ён знаходзіцца Філадэльфіі. Дзе ім апякуюцца мясцовыя беларусы, а таксама і ўкраінская дыяспара.
З якімі складанасцямі сутыкаюцца валанцёрскія арганізацыі ЗША, калі размова ідзе пра дапамогу параненым ваярам? Ці актыўна далучаюцца беларусы і ўкраінцы да збору ахвяраванняў? Ці ёсць паразуменне і ўзаемападтрымка паміж беларусамі і украінцамі ЗША? На гэтыя ды іншыя пытанні ў эфіры Еўрарадыё адказваюць віцэ-прэзідэнт Асацыяцыі беларусаў Амерыкі, прэзідэнт Belarus FREEDOM-Philadelphia Сяржук Шаліга і прэзідэнтка фонду Revived Soldiers Ukraine Ірына Вашчук-Дысіпіо.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.