Спынілі крымінальную справу Уладзіміра Кобеца
Таксама яму дазволілі выязджаць за межы краіны.
Пра гэта апазіцыйны актывіст даведаўся з афіцыйных папер, якія прыйшлі яму поштай, паведамляе Радыё "Свабода".
Уладзімір Кобец быў кіраўніком выбарчага штабу кандыдата ў прэзідэнты Андрэя Саннікава. Пасля выбараў Кобеца больш за месяц трымалі ў следчым ізалятары КДБ.
Раней былі спыненыя крымінальныя справы супраць Анатоля Лябедзькі, Алега Корбана, Наталлі Радзінай, Рыгора Кастусёва, Алеся Арастовіча.
